***

Уписъ тестаменту п[а]на Яловицкого

Року тисеча шестсот двадцать пятого м[е]с[а]ца июля чотырнадцатого дня.

На роках судовых земских кременецких, в шест недел по светой Троицы рымском святе в року звыш менованом припалых и судовне отправовати зачатых, перед нами Самоелемь Ледоховским, судею, а Яномь Гораином, подсудькомь, врядниками судовыми земскими кременецкими, ставши очевисто, шляхетный Павел Дудковьский для вписаня до книг нинешних земских кременецких пер облятам подал тестамент князя Якова Василевича Крокотки, просечи, абы принят и до книг уписан был, а так мы, суд, тот тестамент, за поданьемь и прозбою помененого пана Дудковского для вписаня до книг прийму- ючи, перед собою читати казали есмо, и так ся в собе мает.

Во имя Божее Светое и Живоначалное Тройцы станся. Я Яковь Василевич Крокотка Еловицкий ознаймую то и чиню явно всим посполитым, кому потреба будеть вказовати албо // чтучи его послухати, нинешнимь и напотом будучимь, штож з навеженя Божого будучи мнъ обложоного хоробою и розумеючи то, иж кождый чоловък ест смертелный, который ся на тот свъть не народил, тот не умрет, и взявши по собъ сам, иж с тое хоробы живь быти не могу, але хотечи сам по доброй воли своей, без жадного примушенья и намо- вы людское приятелское, при животе и по смерти живота своего малжонку и промежку детей своих порядност и вы именьях своих во всей отчизне поровнанье и покой вечный вделяти, иж бы по животе моем спокойное и вечное мешькане промежку собою мели, то вчинити и зоставити не на словех, што под часом с памети людское и сходит, толко на писме под сведомомь врядовым и приятелским, будучи в доброй памети, целомь и зуполномь розуме, врозумевши99 тестамент мой. На первей поручаю и даю в руки душу свою Богу Сотворителю в Тройцы Единому, а тело мое грешное мает жона, двти мои почтиве, ведле закону нашого хрестяньского, погрести и по души моей на церкви Божии роздати на сорокоусты и памети чинити. И ку тому теж то на томь тестаменте докладаю, иж маючи за собою у малженстве светомь з дому зацнаго, почтивого, дочку небожчика // пана Олехна Гринковича Козиньского на имя Овдотю, по которой взял есми посагу, вношенья в дом мой сто копь грошей готовых личбы и монеты литовское а сто копь в золоте, в серебре, в шатах, перлах клейнотах и иншихь многих рухомых речах. Што я все до рукь своих взял и ку своему пожитку обернуль, а иньшие ръчи, бываючи часто крот на службах господарских и земскихь, утратил и на то есми еи малжоньце своей никоторой слушной оправе и твердости на именях моихь отчизных не вчинил. А будучи в томь малженстве светом з нею, малжон- кою моею, мел и маючи ку собе аж до сего часу службы и склонности и сердечную милость, яко на малженьский светый стань приналежить, паметаючи тые службы ее и цнотливое захованье, теперешнеи остатнои воли и часу своего смертелную показавши еи ласку свою, якь напротивку того въна, вношеня ее в дом мой двохсот копь грошей, и ку тому з ласки своей привеньку дру(гу)ю двесте коп грошей личбы литовское, такь теж и за цнотливыи службы и склонности ее напротивко мене, малжонка своего, заховуючи в том ведле звыклости нашое хрестянское и ничимъ не отступуючи статуту права земского, хотечи еи малжонце и детем моим по животе своемъ покой вЬчный // вчинити, иж бы жона и дети мои на мене не плакали, але спокойное мешъкане мели, вЬдаючи вшелякие пожитки в ыменяхъ моих Еловичах у Ворсине, в Чекне и в Котелеви, выймуючи зо всих тых именей моих за третюю част двор мой Еловицкий зо всим будованем и именье Еловичи з бояры путъными, з людми тяглыми, з дворищи пустовскими, с полми и сеножатми музкими, такъ яко которое дворище за отца моего и за мене держано было, и ку тому ставъ и млынъ чекон- ский зо всими пожитки, и в гае дерево бортное со бчолами и в котором бчол нитъ, и бчолы вси в пасеце, пашъня в гумнахъ нажатая и на поли засЬяная, и подворем в замку господарскомъ луцкомъ, шаты, цЬнъ, мЬд, а грошей готовых и сребра того ничого не маю, кони ездные, стадо сверЬпъе, быдло рогатое, овцы, козы, свини, кури, гуси и вшелякие рухомые малые и великие, яким колвекъ именемъ названые домовые рЬчи и привеллея господарские нивя100 именъя, отчизну мою, то все даю дарую и на вечност тымъ тестамен- томъ моимъ описую, оддаляючи то от всих детей, дочок и зятеи моих, их потомковъ, малжонце моей княгини Овдоти Олехновне на вечност, и ку тому пол и сеножатей дворных, которые я к тому двору Еловицкому за живота своего держалъ и вживал, так // теж в гаех и на будованъе дерева и на рубане дровъ, в рецЬ Стыру бобровых гонъ и на поли ловы зверины и пташъе, на всемъ на томъ записую малжонце своей третюю част также на веч- ност, а малжонка моя с тое третее части, от мене еи на том тестаменте выше